ܣܘ݂ܦܹܪܡܵܪܟܹܬܣ
ܚܲܕ̄ܟܡܵܐ ܣܘ݂ܦܹܪܡܵܪܟܹܝܬܣ ܟܹܐ ܡܲܩܪ݀ܒ݂ܝ݂ ܡܲܡܛܵܝܬܵܐ ܐ݀ܢ ܒܲܩܵܠܘ݂ܝܵܬܹ̈ܐ ܦܝ݂ܫܹܐ ܝ̄ܢܵܐ ܛܠܝ݂ܒܹܐ ܒܐ݀ܢܬܹܪܢܹܝܬ. ܡܗܲܕܝܵܢܘ݂ܝܵܬܹ̈ܐ ܕܡܲܡܛܵܝܬܵܐ ܓܵܪܲܓ ܡܲܕܥܝ݂ ܕܒܲܢܕܹ̈ܐ ܓܵܪܲܓ ܦܵܝܫܝ݂ ܫܒ݂ܝ݂ܩܹܐ ܩܲܕ̄ܡ ܬܲܪܿܥܘܿܟ݂ ܕܠܵܩܵܕ̄ܡܵܐ. ܚܵܢܘ݂ܝܵܬܹ̈ܐ ܕܒܐ݀ܠܬ݀ܚܬ ܟܸܐ ܡܲܩܪ݀ܒ݂ܝ݂ ܚ݀ܠܡܲܬܹ̈ܐ ܕܡܲܡܛܵܝܬܵܐ ܠܒܲܝܬܵܐ.
- Coles ܗܲܕܝ݂ܵܐ ܦܬܝ݂ܚܬܵܐ ܝ̄ܠܵܗܿ ܦܪܝ݂ܫܵܐܝ݂ܬ ܒܝ݂ܠ 7 – 8 ܩܲܝܕܵܡܬܵܐ ܩܵܐ ܐ̄ܢܵܫܹ̈ܐ ܕܐܝ݂ܬ ܠܗ̄ܘܿܢ ܚܲܖ̄ ܦ݀ܬܩܵܐ ܕܡܲܒܨܵܪܬܵܐ ܕܡܫܲܘܬܒ݂ܘ݂ܬܵܐ، ܦ݀ܬܩܵܐ ܕܚܘ݂ܠܡܵܢܵܐ ܕܓܘ݂ܪܹ̈ܐ ܒܫ݀ܢܹ̈ܐ ܕܟܘܿܡܘ݂ܢܘܹܝܠܬ، ܦ݀ܬܩܵܐ ܕܫܵܘܬܵܦܵܐ ܝܲܢ ܦ݀ܬܩܵܐ ܕܝܲܨܝ݂ܦܘ݂ܬܵܐ ܕܚܘ݂ܠܡܵܢܵܐ
- ܩܪܝ݂ ܠ 400 455 1800 ܩܵܐ ܡܲܪܝܵܙܬܵܐ ܕܚ݀ܠܡܲܬ ܕܡܲܡܛܵܝܬܵܐ ܥܲܡ Coles
- ܚܵܢܘ݂ܝܵܬܹ̈ܐ ܕ Woolworths ܦܪ݀̈ܝ݂ܫܹܐ ܦܬܝ݂ܚܹܐ ܝ̄ܢܵܐ ܦܪܝ݂ܫܵܐܝ݂ܬ ܩܵܐ ܐ̄ܢܵܫܹ̈ܐ ܕܐܝ݂ܬ ܠܗ̄ܘܿܢ ܚܕܵܐ ܡܲܒܨܵܪܬܵܐ ܕܡܫܲܘܬܒ݂ܘ݂ܬܵܐ ܝܲܢ ܦ݀ܬܩܵܐ ܕܓܘ݂ܪܹ̈ܐ ܒܫ݀ܢܹ̈ܐ ܒܝ݂ܠ 7 – 8 ܩܲܝܕܵܡܬܵܐ
- ܡܠܝ݂ ܠ ܦ݀ܬܩܵܐ ܕܐ݀ܢܬܹܪܢܹܝܬ ܕܣܢܵܕܬܵܐ ܕܩܲܕܡܵܝܘ݂ܬܵܐ ܝܲܢ ܩܪܝ݂ ܠ 610 000 1800 ܐ݀ܢ ܐܲܢ̄ܬ ܣܢܝ݂ܩܵܐ ܝ̄ܘ݀ܬ ܠܡܲܪܝܘ݂ܙܹܐ ܠܡܲܡܛܵܝܬܵܐ ܠܒܲܝܬܵܐ.
ܕܲܪ̈ܡܵܢܹܐ
ܐ݀ܢ ܦܪ݀ܩ ܠܗ̄ܘܿܢ ܕܵܪ̈ܡܵܢܘܿܟ݂ ܐܝ݂ܡܲܢ ܕܒܠܚܘ݂ܕܵܝܘ݂ܬܵܐ ̄ܕܓܵܢܵܐ ܝ̄ܘ݀ܬ، ܐܲܢ̄ܬ ܡܵܨܹܝܬ ܛܲܠܒ݀ܬ ܕܕܵܪ̈ܡܵܢܘܿܟ݂ ܦܵܝܫܝ݂ ܡܘ݂ܡܛ݀ܝܹܐ ܩܵܐ ܒܲܝܬܘܿܟ݂، ܒܝܲܕ ܚܲܕ̄ ܗܲܕܵܡܵܐ ܕܒܲܝܬܘ݂ܬܵܐ، ܚܲܕ̄ ܚܵܒ݂ܪܵܐ ܝܲܢ ܒܹܝܬ ܣܲܡܡܵܢܘܿܟ݂ ܥܝܵܕܵܝܬܵܐ.
ܐ݀ܢ ܒܹܝܬ ܣܲܡܡܵܢܘܿܟ݂ ܡܣܘ݂ܓ̮݀ܠܬܵܐ ܝ̄ܠܵܗܿ ܠܓܵܘ ܚܘ݂ܪܙܵܐ، ܐܲܢ̄ܬ ܡܵܨܹܝܬ ܐܲܦ ܡܵܛܹܝܬ ܠܚ݀ܠܡܲܬܹ̈ܐ ܕܕܲܪ̈ܡܵܢܹܐ ܒܲܝܬܵܝܹ̈ܐ، ܚܲܕ̄ ܚܘ݂ܪܙܵܐ ܙܲܒ݂ܢܵܢܵܝܵܐ، ܐܲܝܢܝ݂ ܕܢܝ݂ܫܹܗ ܝ݂ܠܸܗ ܩܵܐ ܣܢܵܕܬܵܐ ܘܢܛܵܪܬܵܐ ܕܗܲܕܵܡܹ̈ܐ ܒܘ݂ܫ ܡ݀ܬܢܲܟ݂ܝܵܢܹܐ ܕܫܵܘܬܵܦܘ݂ܬܲܢ ܡ݂ܢ ܡܲܬܵܒ݂ܬܵܐ ܚܲܝܠܵܢܬܵܐ ܩܲܕ̄ܡ ܫܲܪܒܵܐ ܕܟܘܿܪܘܿܢܵܒ݂ܵܝܪܘ݂ܣ (ܟܘܿܒ݂݀ܕ-19) ܒܝܲܕ ܡܲܡܛܵܝܬܵܐ ܕܕܲܪܡܵܢܵܐ ܦܣܝ݂ܣܵܐ ܗܲܠ ܬܲܪܥܘܿܟ݂. ܩܵܐ ܩܪܵܝܬܵܐ ܕܒܘ݂ܫ ܙܵܘܕܵܐ ܢܩܘܿܪ ܠܲܐܟ݂ܵܐ.